ترجمہ🖋: محمد مسرور جمال فاخری ندوی ازھری
اللہ نے جو بلند اور بڑا ہے سچ فرمایا، اوراس کے رسول نبی کریم نے سچ فرمایا، اور ہم اس پر گواہ ہیں۔ اے ہمارے رب ہمارے جانب سے قبول فرما بیشک تو سننے والا جاننے والا ہے۔ اے اللہ ہمیں قرآن کے ہر حرف کے عوض میں حلاوت وشیرینی اور قرآن کے ہر پارے وجزء پر بدلہ عطا فرما۔ اے اللہ ہمیں الف کے بدلے میں محبت اور با کے بدلے میں برکت اور تا سے توبہ اور ثا سے ثواب اور جیم سے جمال اور حا سے حکمت اور خا سے خیر اور دال سے رہنمائی اور ذال سے دانائی اور راء سے رحمت اور زاء سے طہارت اور سین سے سعادت اور شین سے شفاء اور صاد سے سچائی اور ضاد سے روشنی اور طا سے تازگی اور ظا سے کامیابی اور عین سے علم اور غین سے تونگری ومالداری اور فا سے کامیابی اور قاف سے تقرب الہی اور کاف سے کرامت اور لام سے لطف ومہربانی اور میم سے نصیحت اور نون سے نور اور واؤ سے اللہ کا وصال اور ہا سے ہدایت اور یا سے یقین عطا فرما،۔
اے اللہ ہمیں قرآنِ عظیم کے ذریعے سےنفع عطا فرما،اور ہمیں آیات اور ذکرِ حکیم کے ذریعہ سے بلندی عطافرما، اور ہماری جانب سے (قرآن) پڑھنے کو قبول فرما اور ہمارے جانب سے تلاوتِ قرآن میں جو غلطیاں یا بھول ہو گئی ہوں اسے معاف فرما خواہ خطآ یا نسیانا ہو یا کسی کلمے میں ان کی جگہوں سے تحریف ہو گئی ہو یا تقدیم و تآخیر یا کمی و بیشی ہو گئی ہو (یعنی آگے کرنا یا پیچھے کر دینا یا زیادہ کردینا یا کم کر دینا ) یا ایسی تاویل جوتیرے اتارے ہوئے کے خلاف ہو یا شک وشبہ ہو یا بھول ہو یا غلط طریقے سے پڑھا گیا ہو ( یعنی تجوید کی رعایت کئے بغیر) یا قرآن کی تلاوت جلدی جلدی کیا گیا ہو ،یا سستی یا جلدی سے یا زبان کی کجی سے یا وقف بغیر وقف کے یا ادغام بغیر ادغام کے یا اظہار بغیر بیان کے یا مدّ یا تشدید یا ہمزہ یا جزم یا اعراب میں غلطیاں ہوگئی ہو یا رحمت کی آیتوں کے پڑھنے کے وقت قلت رغبت کم رغبتی ہو یا آیاتِ عذاب کے وقت خوف خدا کا نہ ہونا یا کم پایا جانا ہو، لہذا اے ہمارے رب ان تمام لغزشوں کو معاف فرمادے اور ہماری مغفرت فرما دے، اور ہم کو شاھدین گواہوں کے ساتھ لکھ دے۔
اے اللہ ہمارے دلوں کو قرآن سے روشن کردے اور ہمارے اخلاق کو قرآن سے مزین کردےاور ہم کو قرآن کی برکت سے جہنم سے نجات دے ،اور اسکی برکت سے ہم کو جنت میں داخل فرما دے، اے اللہ قرآن کو ہمارے لیئے دنیا میں ساتھی اور قبر میں مونس اور پل صراط پر نور اور جنت میں ساتھی اور جہنم سے پردہ اور حجاب اور ہر اچھائی کی طرف رہنما بنا دے اور ہمارے لیئے قرآن کی پوری دعائیں لکھ دے، اور ہمیں دل اور زبان سے ادا کرنے کی توفیق دے ، اور خیر کی محبت اور سعادت اور ایمان کی بشارت عطا فرما دے اور اللہ کا درودو سلام ہو اسکے بہترین مخلوق یعنی ہمارے سردار محمد صلی اللہ علیہ وسلم پر اور ان کی آل و اصحاب پر اور ان پر بہت بہت سلام ہو۔
ترجمہ🖋: محمد مسرور جمال فاخری ندوی ازھری
تبصرے
ایک تبصرہ شائع کریں