آن لائن عالمہ کورس

اسلامی علوم سے واقفیت کا ایک بہترین ذریعہ عالمیت ہے، جس کے نصاب میں علوم اسلامیہ کے تقریباً تمام اہم مضامین شامل ہوتے ہیں۔ دین اسلام نے اپنی تعلیمات میں اس بات پر خاص زور دیا ہے کہ خواتین تعلیم یافتہ ہوں۔ خواتین اسلام کا اسلامی علوم سے واقف ہونا نہایت ضروری ہے، کیونکہ ان کے ذریعہ پورے گھر کی تربیت ہو سکتی ہے۔

عالمیت کا کورس لڑکوں کے لئے آسان ہے، کیونکہ ان کے لیے گھر سے باہر رہنا آسان ہے، اور لڑکوں کے لیے عالمیت کے ادارے بھی بہت ہیں۔ البتہ لڑکیوں کے لئے مذکورہ دونوں وجوہات سے کورس کرنا دشوار ہے۔اس لئے آن لائن عالمہ کورس کا نصاب تیار کیا گیا ہے تاکہ وہ بچیاں اور خواتین جو عالمیت کرنے کا شوق رکھتی ہیں، گھر بیٹھے عالمیت کے نصاب کو پڑھ سکیں۔

دی حق اکیڈمی، لکھنو نے اسی خلا کو پر کرنے کے لئے شروعاتی مرحلے میں دو سالہ نصاب تیار کیا ہے، جس کے ذریعہ طالبات عربی زبان اور بنیادی علوم اسلامیہ (تفسیر،حدیث، فقہ) سے واقفیت حاصل کر سکیں گی۔

اس کورس کی تدریس دو معلمات (فارغات: جامعۃ المؤمنات الاسلامیہ، دوبگہ لکھنؤ) کے ذمہ ہے، البتہ وقتاً فوقتاً مؤقر علماء کرام کے محاضرات (لیکچرز) کا انعقاد کیا جائے گا۔ نصابیات کے علاوہ اس کورس میں ثقافتی صلاحیتوں کو پروان چڑھانے پر بھی توجہ دی جائے گی ، خاص طور پر تقریر و بیان اور قلم کی صلاحیت پر خصوصی توجہ رہے گی۔

اس کورس کی فیس ماہانہ تین سو روپئے ہیں، کلاس کا وقت زیادہ تر طالبات کا خیال رکھ کر متعین کیا جائے گا، عموماً فجر کے بعد یا عشاء کے بعد کلاسیز ہوں گی۔ روزانہ ساٹھ منٹ کی کلاسیز ہوں گی، جس میں دو مضامین پڑھائے جائیں گے۔ کورس مکمل کرنے کے بعد امتحان میں کامیابی پر سند بھی دی جائے گی۔ داخلہ کے لیے درج ذیل نمبر پر واٹساپ کریں :8541851942۔

👈واٹساپ پر رابطہ کے لئےیہاں کلک کریں👉

دی حق اکیڈمی لکھنؤ۔