آج بتاریخ ۲۲ ستمبر ۲۰۲۱ بروز بدھ مدرسہ تعلیم الدین خانقاہ دارالتعلیم والتربیت نورپور کٹھریا میں جناب مولانا صابر نظامی صاحب قاسمی جنرل سیکرٹری جمعیت علماء بیگوسراۓ، جناب مولانا شکیل صاحب قاسمی شیخ الحدیث سورینام (امریکا)، جناب مولانا علی حسن صاحب قاسمی امام وخطیب کچہری مسجد بیگوسرائے، پر مشتمل سہ رکنی وفد کی آمد ہوئی، اس سہ رکنی وفد نے مدرسہ کا معائنہ کیا، درسگاہ، طلبہ اور اساتذہ سے مل کر خوشی کا ظہار کیا۔
سہ رکنی وفد کی آمد کے موقع پر ناظم مدرسہ جناب مولانا عبدالودود صاحب قاسمی کے حسب ایماء ایک مختصر دعائیہ مجلس کا انعقاد کیا گیا، مجلس کا آغاز مدرسہ ہذا کے طالب علم عزیزم ۔۔۔۔۔ نے تلاوت کلام اللہ سے کیا، جناب مفتی اشفاق و حافظ اخلاق صاحبان نے نعتِ نبی ﷺ سے محفل کی زینت کو دوبالا کیا، سامعین خوب محظوظ ہوئے۔
مہمان خصوصی جناب مفتی شکیل منصور قاسمی نےاپنے تاثرات و خیالات کا اظہار فرماتے ہوئے کہا کہ دور حاضر میں عیسائیت اور شکیلیت کی آندھی چلی ہوئی ہے، ارتداد نے نئے شکلوں میں اپنے پاؤں پھیلا رہا ہے، ایسے وقت میں لوگ لاعلمی کی بنیاد پر ارتداد کا شکار ہو رہے ہیں، درست عقیدہ سے ہٹ کر گمراہیوں کی تاریکی میں بھٹک رہے ہیں، ہر علاقہ میں امت کو شدید ضرورت ہے ایسے علماء کی، ایسے رہنما کی جو ان کے ایمان وعقائد کی حفاظت کے ضامن ہوں، ایسے نازک وقت میں یہی مدارس و مکاتب اور ان میں زیر تعلیم نونہال طلبہ آپ کے رہنما بن کر آپ کے عقیدہ وایمان کے محافظ بنیں گے اور ارتداد کی اس آندھی کو روکیں گے۔
مہمان خصوصی نے نششت مین موجود مقامی باشندوں سے خطاب کرتے ہوئے مزید کہا کہ آپ اپنے مدارس و مکاتب کا بھر پور تعاون کریں، ہر اعتبار سے ان کے معاون بنیں، تن من دھن سے دین کی خدمت کو اپنا شعار بنائیں۔
آخر میں مدرسہ ہٰذا کے مہتمم مفتی عبد الودود صاحب قاسمی کی درخواست پر مولانا علی حسن صاحب نے دعاء کرائی اور مجلس اپنے اختتام کو پہنچا۔
اس موقع پر مدرسہ کے تمام طلبہ واساتذہ سمیت مقامی باشندگان کی خاصی تعداد نے اس نششت کے فیوض و برکات سے فائدہ اٹھایا۔
خبر نگار: مولانا شاکر نظامی قاسمی
تبصرے
ایک تبصرہ شائع کریں