مدرسہ تفہیم الاسلام میں ادبی نشست کا انعقاد
 |
| رپورٹنگ: سعود اشر |
تعلیمی و سماجی بیداری مہم" سیمانچل، بہار اور "ٹی. کے. این نیوز"( دی خبر و نظر) " کے زیر اہتمام ایک دلچسپ ادبی نشست کا انعقاد مدرسہ تفہیم الاسلام بھکھری (پورنیہ) میں کیا گیا۔
چند لمحے نو واردان ادب کے ساتھ کے عنوان پر منعقد اس نشست کی نظامت کرتے ہوئے محمد دانش اقبال ندوی (ایم ایڈ) نے کہا کہ زندہ ادب زندہ شعور کی علامت ہے، بغیر تربیت کے یہ شعور پیدا نہیں ہوتا.
ناظم جلسہ نے مزید کہاکہ آ ج کی اس ادبی نشست کا مقصد نوواردان ادب کی حوصلہ افزائی کرنا، ان کو منظم رکھنا اور ان کی تخلیقات: نظم و نثر دونوں کو قارئین کرام کی خدمت میں پیش کرنا ہے۔
مہمانِ خصوصی ماسٹر محمد ناظم صاحب نے اپنی گفتگو میں نوواردان ادب کی حوصلہ افزائی کی، انھوں نے کہاکہ ادب کے تئیں بیداری لانا ہم سب کی زمہ داری ہے۔ ادب سے وابستگی کا مطلب ہے کہ اُردو زبان وادب کو اپنی روز مرہ کی زندگی میں استعمال میں لائیں۔
علاقے کے مشہور مغنی جناب دانش قمر راہی ندوی نے نعتیہ کلام پیش کر کے سامعین کرام کے سامنے یکے از نوواردان ادب ہونے کا ثبوت پیش کیا۔
شاعر ظفر امام نے نوواردان ادب کی تعریف میں ایک خوبصورت غزل گنگناکر ان میں خدمت دین و ادب کا جوش بھردیا.
ضلع میڈیا کے انچارج محمد دلنواز نے موجودہ سیاست پر مترنم آواز میں نظم پیش کی۔
تعلیمی وسماجی بیداری مہم کے ممبر محمد محتسن نے بھی اپنے خیالات کا اظہار کیا۔
محمود عالم ندوی (صدر: ادھکیلی پیکس) نے اپنے خیالات کا اظہار کرتے ہوئے کہا کہ ہم لوگ زبان وادب کو پڑھیں، لکھیں، سمجھیں اور اس کے لیے ہرممکن کوشش کریں.
چاکدہ سے تشریف لائے شاہنواز عالم اور سوتی ڈگروا سے محمد دانش نے پروگرام میں شرکت پر مسرت کا اظہار کیا۔
عائشہ اکیڈمی کے پرنسپل حافظ محمد اصغر نے بھی اپنی حاضری سے محفل کی رونق بڑھائی۔
صدارت کے فرائض انجام دئیے مدرسہ تفہیم الاسلام بھکھری کے مہتمم جناب مولانا شہاب الدین صاحب قاسمی نے۔ صدر محترم نے اس طرح کی نشستوں کی اہمیت و ضرورت پر روشنی ڈالی اور منتظمین کی حوصلہ افزائی کی.
نشست کے کنوینر سعود اشعر نے اخیر میں تمام مہمانوں کا شکریہ ادا کیا۔
اس موقع پر مشرف عالم صاحب (سکریٹری مدرسہ)، حافظ محمد جہانگیر عالم، مولانا محمد مرسلین، ماسٹر محمود عالم ، حافظ مغفور عالم، جناب مولانا غلام محمد صاحب کے علاو ہ درجنوں سامعین شریکِ بزمِ تھے، شاہجہاں مطلوب کی تلاوتِ کلامِ پاک سے نشست کا آغاز ہوا اور دعائے ماثورہ پر نشست اختتام پذیر ہوئی۔
رپورٹ:سعود اشعر (دی خبر و نظر)
17-08-2021
تبصرے
ایک تبصرہ شائع کریں